ರಾಜ್ಯದಲ್ಲಿ ಬಾಲ ಗರ್ಭಿಣಿಯರ ಸಂಖ್ಯೆ ಆತಂಕಕಾರಿಯಾಗಿ ಏರಿಕೆಯಾಗುತ್ತಿದೆ. ರಾಜ್ಯ ಆರೋಗ್ಯ ಇಲಾಖೆಯ 2024ರ ಏಪ್ರಿಲ್ನಿಂದ 2025ರ ಮೇ ತನಕದ ಸರ್ವೇ ಡೇಟಾ ರಿವೀಲ್ ಮಾಡಿದೆ. ಇದರಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಬಾಲಕಿಯರು ಓದೋ ವಯಸ್ಸಿನಲ್ಲಿಯೇ ಗರ್ಭ ಧರಿಸಿ ಗರ್ಭಿಣಿಯರಾಗಿದ್ದಾರೆ. ಇದರಲ್ಲಿ ಆಘಾತಕಾರಿಯೆಂದರೆ, 9 ರಿಂದ 12 ವರ್ಷದೊಳಗಿನ ಮಕ್ಕಳು ಕೂಡ ಸೇರಿದ್ದಾರೆ.
ಆರೋಗ್ಯ ಇಲಾಖೆ ವರದಿಯ ಪ್ರಕಾರ ಒಂದು ವರ್ಷದಲ್ಲಿ 31,663 ಬಾಲಕಿಯರು ಗರ್ಭಿಣಿಯರಾಗಿದ್ದಾರೆ. ಇದರಲ್ಲಿ ಆಘಾತಕಾರಿಯೆಂದರೆ, 9 ರಿಂದ 12 ವರ್ಷದೊಳಗಿನ 33 ಬಾಲಕಿಯರು ಗರ್ಭಿಣಿಯರಾಗಿರುವುದು.
ಬೆಚ್ಚಿ ಬೀಳಿಸುತ್ತೆ ಬಾಲ ಗರ್ಭಿಣಿಯರ ಆಘಾತಕಾರಿ ಅಂಕಿಅಂಶ!
ಈ ಅಂಕಿಅಂಶಗಳು ರಾಜ್ಯದ ಸಾಮಾಜಿಕ ಮತ್ತು ಆರೋಗ್ಯ ವ್ಯವಸ್ಥೆಯಲ್ಲಿ ಗಂಭೀರ ಸಮಸ್ಯೆಯನ್ನು ಎತ್ತಿ ತೋರಿಸುತ್ತವೆ. ಬೆಂಗಳೂರು ನಗರ ಜಿಲ್ಲೆಯಲ್ಲಿ 3,271 ಮತ್ತು ಬೆಳಗಾವಿಯಲ್ಲಿ 3,158 ಪ್ರಕರಣಗಳು ವರದಿಯಾಗಿವೆ, ಇವು ರಾಜ್ಯದಲ್ಲಿ ಅತಿ ಹೆಚ್ಚು ಪ್ರಕರಣಗಳನ್ನು ಹೊಂದಿರುವ ಜಿಲ್ಲೆಗಳಾಗಿವೆ.
About The Author
