ಉಡುಪಿ: ಮಟ್ಕಾ ಜುಗಾರಿ – ಮೂರು ಪ್ರತ್ಯೇಕ ಪ್ರಕರಣ- ಮೂವರ ಬಂಧನ

ಉಡುಪಿ: ನಗರದ ವಿವಿಧ ಕಡೆಗಳಲ್ಲಿ ಮಟ್ಕಾ ಜುಗಾರಿಯಲ್ಲಿ ತೊಡಗಿದ್ದ ಮೂವರು ಆರೋಪಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಅಂಬಾಗಿಲಿನ ಸಾರ್ವಜನಿಕ ಸ್ಥಳದಲ್ಲಿ ಮಟ್ಕಾ ಆಟದಲ್ಲಿ ತೊಡಗಿದ್ದ ವೀರೇಶ್‌(34)ನನ್ನು ವಶಕ್ಕೆ ಪಡೆದು 1540 ರೂ., ಕಡಿಯಾಳಿ ಸಾರ್ವಜನಿಕ ಸ್ಥಳದಲ್ಲಿ ದಿವಾಕರ್‌(41)ನನ್ನು ವಶಕ್ಕೆ ಪಡೆದು 665 ರೂ., ಪುತ್ತೂರು ಗ್ರಾಮದಲ್ಲಿ ರಮೇಶ್‌ (52)ನನ್ನು ವಶಕ್ಕೆ ಪಡೆದು 770 ರೂ. ಸ್ವಾಧೀನಪಡಿಸಿಕೊಳ್ಳಲಾಗಿದೆ. ನಗರ ಪೊಲೀಸ್‌ ಠಾಣೆಯಲ್ಲಿ ಮೂರು ಪ್ರತ್ಯೇಕ ಪ್ರಕರಣ ದಾಖಲಾಗಿದೆ.