‘ಕಾಂಗ್ರೆಸ್ ನಾಯಕ’ನ ‘ಬರ್ತಡೇ ಪಾರ್ಟಿ’ಯಲ್ಲಿ ‘ನಂಗನಾಚ್’: ಅರೆಬೆತ್ತಲೆ ಕುಣಿತ, ನೋಟುಗಳ ಸುರಿಮಳೆ

ರಾಮನಗರ ನಗರಸಭೆಯ 19ನೇ ವಾರ್ಡ್ ನ ಸದಸ್ಯ ದೌಲತ್ ಷರೀಫ್ ಎಂಬುವರೇ ಹೀಗೆ ತಮ್ಮ ಬರ್ತಡೇ ಪಾರ್ಟಿಯನ್ನು ಯುವತಿಯ ಅರೆಬೆತ್ತಲೆ ಕುಣಿತದೊಂದಿಗೆ ನಂಗನಾಚ್ ಮೂಲಕ ಆಚರಿಸಿಕೊಂಡಿರುವವರು ಆಗಿದ್ದಾರೆ. ಈ ವೀಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಕೂಡ ಆಗಿದೆ. ನಗರದ ಯಾರಬ್ ನಗರದಲ್ಲಿನ ಕಲ್ಯಾಣ ಮಂಟಪದಲ್ಲಿ ತಮ್ಮ ಕಾರ್ಯಕರ್ತರು, ಬೆಂಬಲಿಗರೊಂದಿಗೆ ನಗರ ಸಭೆಯ ಕಾಂಗ್ರೆಸ್ ಸದಸ್ಯ ದೌಲತ್ ಷರೀಫ್ ಹುಟ್ಟು ಹಬ್ಬ ಆಚರಿಸಿಕೊಂಡಿದ್ದಾರೆ. ಈ ಹುಟ್ಟು ಹಬ್ಬಕ್ಕೆ ಅರೆಬರೆ ಯುವತಿಯ ನೃತ್ಯವನ್ನು ಆಯೋಜಿಸಲಾಗಿತ್ತು ಎನ್ನಲಾಗಿದೆ. ಅರೆನಗ್ನವಾಗಿ ಯುವತಿಯರು ಕುಣಿಯುತ್ತಾ ನಂಗನಾಚ್ ನೃತ್ಯ ಮಾಡುತ್ತಿದ್ದರೇ, ದೌಲತ್ ಬೆಂಬಲಿಗರು ಹುಚ್ಚೆದ್ದು ಕುಣಿದು, ದುಡ್ಡಿನ ಸುರಿಮಳೆಯನ್ನೇ ಮಾಡಿದ್ದಾರೆ ಎನ್ನಲಾಗಿದೆ.