ಮುಂಬೈ : ಮುಂಬೈ ಟ್ರಾಫಿಕ್ ಪೊಲೀಸ್ ಕಂಟ್ರೋಲ್ ರೂಂಗೆ 26/11 ದಾಳಿಯಂತೆಯೇ ಭಯೋತ್ಪಾದಕ ದಾಳಿ ನಡೆಸುವುದಾಗಿ ಬೆದರಿಕೆ ಕರೆ ಬಂದಿದೆ.
ಕರೆ ಮಾಡಿದವರು ಉರ್ದುವಿನಲ್ಲಿ ಮಾತನಾಡುತ್ತಾ, “ಸೀಮಾ ಹೈದರ್ ಹಿಂತಿರುಗದಿದ್ದರೆ ಭಾರತ ನಾಶವಾಗುತ್ತದೆ” ಎಂದು ಹೇಳಿದರು.
ಆಘಾತಕಾರಿಯೆಂದ್ರೆ, ಕರೆ ಮಾಡಿದವನು 26/11 ರಂತೆಯೇ ಭಯೋತ್ಪಾದಕ ದಾಳಿ ನಡೆಸುವುದಾಗಿ ಬೆದರಿಕೆ ಹಾಕಿದ್ದಾನೆ.
ಇನ್ನು ಒಂದು ವೇಳೆ ದಾಳಿ ನಡೆದರೆ ಅದಕ್ಕೆ ಉತ್ತರ ಪ್ರದೇಶ ಸರ್ಕಾರವೇ ಹೊಣೆಯಾಗಲಿದೆ ಎಂದು ಕರೆ ಮಾಡಿದವ ಹೇಳಿದ್ದಾನೆ. ಅಂದ್ಹಾಗೆ, ಮುಂಬೈ ಪೊಲೀಸ್ ಸಂಚಾರ ನಿಯಂತ್ರಣ ಕೊಠಡಿಗೆ ಜುಲೈ 12 ರಂದು ಈ ಕರೆ ಬಂದಿದೆ ಎನ್ನಲಾಗ್ತಿದೆ. ಇನ್ನು ಈ ಬಗ್ಗೆ ಮುಂಬೈ ಪೊಲೀಸರು ಮತ್ತು ಕ್ರೈಂ ಬ್ರಾಂಚ್ ತನಿಖೆ ನಡೆಸುತ್ತಿದ್ದಾರೆ. ಆದಾಗ್ಯೂ, ಹಿರಿಯ ಅಧಿಕಾರಿಗಳು ಇದನ್ನ ‘ಹುಸಿ ಕರೆ’ ಎಂದು ಕರೆದಿದ್ದಾರೆ.
ಅಂದ್ಹಾಗೆ, ಸುಮಾರು ಒಂದು ವಾರದಿಂದ ಗ್ರೇಟರ್ ನೋಯ್ಡಾದ ರಬೂಪುರ ನಿವಾಸಿಗಳಾದ ಸಚಿನ್ ಮತ್ತು ಪಾಕಿಸ್ತಾನಿ ಮಹಿಳೆ ಸೀಮಾಳ ಲವ್ಸ್ಟೋರಿ ದೇಶಾದ್ಯಂತ ಚರ್ಚೆಯಾಗುತ್ತಿದೆ. PUBG ಆಡುವಾಗ ಹುಟ್ಟಿದ ಪ್ರೀತಿಗಾಗಿ, ಸೀಮಾ ತನ್ನ ನಾಲ್ಕು ಮಕ್ಕಳೊಂದಿಗೆ ಪಾಕಿಸ್ತಾನದಿಂದ ಭಾರತಕ್ಕೆ ಬಂದಿದ್ದಾಳೆ. ಅಂದಿನಿಂದ ಇಲ್ಲಿಯೇ ವಾಸವಾಗಿದ್ದಾಳೆ.
About The Author
