ವಾಹನದ ಮೇಲೆ ‘ತ್ರಿವರ್ಣ ಧ್ವಜ’ ಹಾಕಿ ದೇಶಭಕ್ತಿ ಪ್ರದರ್ಶಿಸಿದ್ರೆ, ಜೈಲು ಸೇರ್ತಿರಾ ಎಚ್ಚರ

ಮತ್ತು ನಿಮ್ಮನ್ನ ಜೈಲಿಗೆ ಹೋಗುವಂತೆ ಮಾಡಬೋದು ಅನ್ನೋದು ನಿಮಗೆ ತಿಳಿದಿದೆಯೇ.? ಮಾರುಕಟ್ಟೆಯಲ್ಲಿ ರಸ್ತೆಗಳಲ್ಲಿ ಎಲ್ಲೆಂದರಲ್ಲಿ ತ್ರಿವರ್ಣ ಧ್ವಜಗಳು ಮಾರಾಟವಾಗುತ್ತಿದ್ದು, ನಿಮ್ಮ ಕಾರಿಗೆ ಹಾಕಲು ತ್ರಿವರ್ಣ ಧ್ವಜವನ್ನ ನೀವು ಖರೀದಿಸಿದ್ದರೆ, ಎಚ್ಚರಿಕೆಯಿಂದಿರಿ. ಇಲ್ಲವಾದ್ರೆ ನೀವು ಪಶ್ಚಾತ್ತಾಪ ಪಡಬೇಕಾಗಬಹುದು.

ಭಾರತೀಯ ಧ್ವಜ ಸಂಹಿತೆ.!
ಭಾರತೀಯ ಧ್ವಜ ಸಂಹಿತೆಯ ಪ್ರಕಾರ, ಕೆಲವು ವಿಶೇಷ ವ್ಯಕ್ತಿಗಳು ವಾಹನಗಳ ಮೇಲೆ ಧ್ವಜವನ್ನ ಹಾಕುವ ಹಕ್ಕನ್ನ ಹೊಂದಿದ್ದಾರೆ. ನೀವು ಅವರಲ್ಲಿ ಒಬ್ಬರಲ್ಲದಿದ್ರೆ ಮತ್ತು ನೀವು ವಾಹನದ ಮೇಲೆ ತ್ರಿವರ್ಣ ಧ್ವಜವನ್ನ ಹಾಕಿದ್ದರೆ, ಅದು ನಿಮ್ಮ ಮೇಲೆ ಭಾರವಾಗಬಹುದು. ವಾಸ್ತವವಾಗಿ, ಭಾರತೀಯ ಧ್ವಜ ಸಂಹಿತೆಯನ್ನ 21 ವರ್ಷಗಳ ಹಿಂದೆ ಅಂದರೆ 2002ರಲ್ಲಿ ರಾಷ್ಟ್ರಧ್ವಜವನ್ನ ಹಾರಿಸಲು ರಚಿಸಲಾಯಿತು.

ಇದರ ಪ್ರಕಾರ, ಧ್ವಜವನ್ನ ಹಾರಿಸುವ ಬಗ್ಗೆ ಕೆಲವು ವಿಶೇಷ ನಿಯಮಗಳನ್ನ ಮಾಡಲಾಗಿದೆ. ಈ ನಿಯಮಗಳಲ್ಲಿ ಒಂದು, ವಾಹನಗಳ ಮೇಲೆ ಯಾರು ಧ್ವಜ ಹಾರಿಸಬಹುದು.? ಅನ್ನೋದು. ಇನ್ನು ಇದಕ್ಕಾಗಿ, ಅವರಿಗೆ ವಿಶೇಷ ಹಕ್ಕುಗಳನ್ನ ನೀಡಲಾಗಿದ್ಯಾ.?

ಈ ಜನರಿಗೆ ವಾಹನಗಳ ಮೇಲೆ ತ್ರಿವರ್ಣ ಧ್ವಜ ಹಾರಿಸುವ ಹಕ್ಕಿದೆ.!
ಈ ಜನರು ಮಾತ್ರ ವಾಹನಗಳ ಮೇಲೆ ತ್ರಿವರ್ಣ ಧ್ವಜವನ್ನ ಹಾಕಬಹುದು, ಅದರಲ್ಲಿ ರಾಷ್ಟ್ರಪತಿ, ಉಪರಾಷ್ಟ್ರಪತಿ, ಪ್ರಧಾನ ಮಂತ್ರಿ, ಕ್ಯಾಬಿನೆಟ್ ಮಂತ್ರಿ, ರಾಜ್ಯ ಸಂಪುಟ ಸಚಿವರು, ಸ್ಪೀಕರ್ ಮತ್ತು ಉಪಸಭಾಪತಿ (ಲೋಕಸಭೆ-ರಾಜ್ಯಸಭೆ), ರಾಜ್ಯಪಾಲರು, ಲೆಫ್ಟಿನೆಂಟ್ ಗವರ್ನರ್, ಮುಖ್ಯಮಂತ್ರಿ, ಸ್ಪೀಕರ್ ಮತ್ತು ಡೆಪ್ಯೂಟಿ ಸ್ಪೀಕರ್ (ವಿಧಾನಸಭೆ-ವಿಧಾನ ಪರಿಷತ್), ಭಾರತದ ಮುಖ್ಯ ನ್ಯಾಯಮೂರ್ತಿ, ಸುಪ್ರೀಂ ಕೋರ್ಟ್‌ನ ನ್ಯಾಯಾಧೀಶರು, ಹೈಕೋರ್ಟ್‌ನ ಮುಖ್ಯ ನ್ಯಾಯಮೂರ್ತಿ, ಹೈಕೋರ್ಟ್‌ನ ನ್ಯಾಯಾಧೀಶರು ಇತ್ಯಾದಿ. ಇವರ ಹೊರತಾಗಿ, ಯಾವುದೇ ವಾಹನದಲ್ಲಿ ತ್ರಿವರ್ಣ ಧ್ವಜ ಕಂಡುಬಂದರೆ, ಪೊಲೀಸರು ಚಲನ್ ನೀಡಬಹುದು ಮತ್ತು ಜೈಲು ಶಿಕ್ಷೆಗೆ ಗುರಿ ಮಾಡಬಹುದು.

ಧ್ವಜಾರೋಹಣಕ್ಕೆ ಸಂಬಂಧಿಸಿದಂತೆ ಪ್ರಮುಖ ಬದಲಾವಣೆಗಳು.!
2004 ರಲ್ಲಿಯೇ ಮನೆಯಲ್ಲಿ ತ್ರಿವರ್ಣ ಧ್ವಜವನ್ನ ಹಾರಿಸಲು ಜನರಿಗೆ ಅವಕಾಶ ನೀಡಲಾಯಿತು, ಅದಕ್ಕೂ ಮೊದಲು ಜನರು ಮನೆಯಲ್ಲಿ ತ್ರಿವರ್ಣ ಧ್ವಜವನ್ನ ಹಾರಿಸುವ ಹಕ್ಕಿರಲಿಲ್ಲ.

ಈಗ ರಾತ್ರಿಯೂ ತ್ರಿವರ್ಣ ಧ್ವಜವನ್ನ ಹಾರಿಸಬಹುದು. 2009ರ ಮೊದಲು ರಾತ್ರಿಯ ಕತ್ತಲಲ್ಲಿ ಧ್ವಜಾರೋಹಣ ಮಾಡಲು ಯಾರಿಗೂ ಅವಕಾಶವಿರಲಿಲ್ಲ. 2009ರಲ್ಲಿ, ಗೃಹ ಸಚಿವಾಲಯವು ಕೆಲವು ಷರತ್ತುಗಳೊಂದಿಗೆ ರಾತ್ರಿಯಲ್ಲಿ ತ್ರಿವರ್ಣ ಧ್ವಜವನ್ನ ಹಾರಿಸಲು ಅನುಮತಿ ನೀಡಿತು. ಇದರಲ್ಲಿ ಮೊದಲ ಷರತ್ತೆಂದರೆ, ಇದಕ್ಕೆ ರಾತ್ರಿಯೂ ರಾತ್ರಿ ಅನ್ನಿಸದಂತೆ ದೀಪಾಲಂಕಾರದಂತಹ ಇಂತಹ ವ್ಯವಸ್ಥೆ ಮಾಡಬೇಕು.